Page 15 - ABM - Glossário Económico 2024

24. Etepoositu Pankaariyu: ti mananna oowiixaathi musurukhu opanku, ni musurukhu yoola onnimutthikela mwaneene, ottharihaka mikhalelo ni mirumeelo saya, ni ivaara sikinaku, epanku ennaaliva alipo ala anipweha musurukhu aya opanku wenno.
26. Musomo finanseera: ti musomelo wala muxuttelo wa myaha siniira mpantta ni ifinansa, mwemmo atthu anixuttaaya mananna oorumeela musurukhu ni othanla2 ele anitthunaaya opaka ohoolo, ni winnuwiha musurukhu.
28. Mukhweyelo Woohimala wa Muvaho (FDC): ti etaaxa enirumeeliwa ni Epanku ya Mmosampiikhi yoolihaka musurukhu overnight muhina mwa ipanku iye sirina muthowelo wa elikiteexi, wa muthoonyeryo wa ikolateraaxi.
30. Mweettiheryo Oowoopiha: ti mukontho wa itiminisasawu, avaliyasawu ni nvukuwelo wa myoopiheryo sintthuniherya wuncererya micaaleliyo ni ovukula myoopopiho.
32. Intekisanti: ti etaaxa ya ereferensiya enirumeeliwa muhina mwa okopihiwa musurukhu wala muliveryo wa apilikasawu finanseera.
34. Intarapankaariya: ti miteko sa epanku (sintoko etaranxiferensiya) soopakiwe ni atthu arina ikontha muhina mwa epanku yeeyo.
36. Impooxitu wa Ehisapo Yoowuncereriwa (IVA): ti impooxitu wa itthu sooreerela ni miteko, enikoporariwa wa khula okathi wa ekateya ya muruweryo ni mukawelo.
25.
Okopha: ti mukhanyereryo wa omuvaha, omupakela wala omulivela etthu (ivaara sikinaku onkhala musurukhu) mutthu.
27.
Mukhweyelo Woohimala wa Etepoositu (FDP): ti etaaxa enitepositariwa ni ipanku mwaha wa mwaattelo wa elikiteexi wa mwinnuwelo overnight wa muliveryo onivahiwa ni Epanku ya Mmosampiikhi.
29.
Efuluukusu ya Ekaaxa: ti mwaattelo wa musurukhu onikela ni onikhuma wa empereesa muhina mwa okathi woosuwanyeya.
31.
Ipoteeka: ti nvareleliho woosuwanyeya wa itthu sooreerela sinirumeeliwa sineetta ni sihineetta ni sinikhaliherya epanku ottikiha musurukhu aya okophiye wakhala wiira namakopha ola onookhotta oliva sintoko ovarihaniwaaya muwarakhani mwa mukophelo.
33.
Infalamasawu: ti muncerereyo wa ihisapo sa itthu sooreerela ni miteko muhina mwa ekonomiya. Mmosampiikhi ti mphimelo wa Intisi ya Ihisapo sa Mulipa oolya (IPC), muncerereyo waattavale, ni infalamasawu enamuncerereya.
35.
Interepankaariya: ti miteko sa epanku (sintoko etaranxiferensiya) soopakiwe ni atthu arina ikontha muhina mwa epanku soovirikana.
37.
Likiteexi: ti muweryelo wa atiivu onitthuna waakakhanihiwa voowaakuveya ni musurukhu voohiphwanya wa mananna oosuwanyeya ehispo aya.
Mundo das finanças
15/36